Kleingroep-notas:
Is jy dalk nog nie reg vir 'n Kleingroep nie?
Heb 3:1 (AFR20) sê ons is deelgenote van 'n hemelse roeping en vers 14 sê ons is deelgenote van Christus, daarom het ons mekaar ook nodig. Ons hart in die gemeente is dat elkeen geken sal word en dat jy die lewe saam met ander Christene kan deel en dat hulle in jou lewe kan deel. Daarom begin ons 'n kenmekaar aand waar mense bymekaar kan kom om ander met gemeenskaplike belange te ontmoet ten einde Jesus beter te volg. Indien jy deel wil wees van 'n kleingroep (omgeegroep, selgroep) nooi ons jou uit om hierdie vorm in te vul.
Wat is 'n Kleingroep?
Kleingroepe het een doel voor oë: om mense bymekaar te bring ten einde sinvolle verhoudings met ander te bou. God het ons ontwerp met ‘n behoefte om saam met ander mense deur die lewe te gaan. Dit is vanuit hierdie verhoudings dat ons kan groei en meer die lewe kan ervaar wat God vir ons bestem het. Dit is egter nie maklik om sinvolle verhoudings te vind en te ontwikkel nie. Daarom bestaan Kleingroepe – om hierdie belangrike verhoudings toeganklik en sinvol te maak.
Om ‘n Kleingroep te Lei
Om ‘n KIeingroep te lei, is eenvoudig om ‘n plek te skep waar mense betekenis- en sinvolle verhoudings kan bou. Om ‘n groep te lei is nie gekompliseerd nie, en jy hoef ook nie perfek te wees nie. Kies ‘n onderwerp, ‘n gereelde tyd, en plek waar jy dit met ander kan deel. Ons sal jou help om jou Kleingroep suksesvol te maak deur hulpbronne en opleiding te voorsien, asook ‘n adresboek waar ander jou groep maklik kan ontdek. Mense se lewens word tree vir tree verander in hulle reis saam met Jesus, en saam met ander mense wat ook op reis is. As Kleingroep Leier kan jy ‘n belangrike rol in hierdie reis speel.
Leier Ontwikkeling
Hier is ‘n paar hulpbronne om jou as leier te help om een tree vorentoe te gee in jou leierskap, en jou Kleingroep ‘n groot sukses te maak.
